2009年9月1日 星期二

買樓投資 - 由零到一百萬

早排賣左自住嗰層樓, 攪到要四出找租盤。工作忙加上搬屋,實在太累了!早兩日終於正式成交啦,扣左欠銀行,欠首置,律師費,Agent commission,剛好收回一百萬!
 
回想當初由零開始,實在百感交集!
01年買樓,到09年賣樓,8年時間收返一百萬,即每年約12萬。每年供樓加雜費亦約為12萬,即免費住左8年,再等於迫我儲左8年錢。要我咁有恆心儲8年錢,連我自己都唔知到做唔做到! 似乎買樓當儲錢係work嘅!
 
01年同期買樓(如買大型屋苑),現在賣樓,升50%以上的大有人在,隨時吐現二百萬以上!其實我呢個case都唔算係好好,一百萬亦唔算多,但由零開始,總算ok la!

現在樓價飛升,揸住一百萬,其實唔係好好用!遲d再講下我會點運用呢舊cash, 其實有少部份我已經用左!

2009年7月24日 星期五

買樓投資 - 收租

收樓之後,終於可以認真望下間屋啦(因之前有租客住緊睇唔到 )。
 
好彩間屋是好殘(都預左...廿幾年樓,你想點),但係唔係極之殘,起碼無漏水!最恐怖嘅只係個好核突嘅廚房。
 
於是即刻放租,放左唔使兩日,就已經租出,仲可以選擇租比邊個,租金6千幾,仲可以cover晒供樓同管理費。應租客要求,換左2部冷氣機,油過下間屋,磨下地板,連Agent 佣金,一供用左萬五蚊樓下。
 
可惜好景不常,遇上海潚,比租客借口減左成千銀,宜家只夠cover供樓!
 
不過ok啦,如果樓價唔跌,其實每個月儲緊錢,要知到每月供樓支出中有一半左右係還緊本金呢!

2009年7月21日 星期二

牛與農夫

今日有人同我講牛同農夫的道理,有意思,有意思!
 
我唔要做一隻牛!
我起碼要做一個農夫!