2018年6月1日 星期五

買樓好似買棵菜



話咁快阿女就嚟一歲啦。 未做人父母之前, 唔知道做人父母的艱難, 但亦領略唔到做人父母嘅樂趣!

最近賣出咗與朋友合資的工業物業, 回報是投入資金嘅67%。
 有錢就身痕, 連隨買入咗兩個中山的物業: 一個一手地舖加一個二手房。

一手地舖仍未收樓, 所以未租出,未有回報。
今日上中山搞埋購買二手房的手續, 即時收租!
扣除所有開支之後, 租金收入淨回報2.6厘。
睇好大灣區發展,睇好深中同城概念, 可惜太遲買入, 現價比一兩年前已經升了不少!

買國內物業同做人父母一樣, 你不參與便感受不到中間嘅樂趣與及困難! 我心口掛住個勇字, 衝咗入去先算!

先持有兩年, 兩年之後再決定去留。

好幾年沒有回大陸, 最近到珠海中山幾次,總體上感覺良好, 道路寬敞乾淨,市民丶店舖丶銀行職員友善。我覺得中山係一個居住的好地方。 但未知醫療配套如何, 以及公共交通配套不多,出入自己揸車較方便。

7 則留言:

  1. 買樓好似買棵菜 --> 有個UNCLE講左個故仔我知:有位投資者沙士期間買左幾間寫字樓。其中一個單位出租俾個UNCLE。業主拿住一抽鎖匙,帶住位UNCLE周圍走,搵左好耐先搵到個出租單位。個業主話都唔記得自己買左邊幾個單位...
    買多了,真的似買菜...

    回覆刪除
  2. 可否貼相介紹中山 ?
    近來見到好多人去買中山樓 !

    回覆刪除
    回覆
    1. 唔好意思,唔想比朋友認出, 不過網上都好多中山樓盤嘅相

      刪除
  3. 買樓好似買棵菜---又上一層樓先真

    回覆刪除