由於我生意上嘅需要, 我同partner再次一人一半買左個兩百多萬嘅office自用, 首期用左我約30萬. 另我亦用左80萬左右買左個約240萬左右嘅自用物業.
雖然現在樓價好像並不平宜, 但office我係有自用的需要, 長遠睇,反正都要交租, 不如自己供樓好過交租幫人供樓!
至於住宅方面, 現在又唔係貴到一般香港人供唔起(我講嘅當然係指一般嘅物業, 唔係豪宅!).今次我將按揭年期拖長到30年, 係現在嘅低息環境, 每月只須供5千幾, 比起之前供接近1萬蚊少左一大截!
到現在, 我共控制 2 個住宅物業(1個收租, 1個自用), 半個寫字樓物業, 按買入價計共值超過5百萬. 而每月供款減租金收入約為11000(其中超過一半為本金)左右.
沒有留言:
張貼留言