2009年7月16日 星期四

買樓投資 - 人生中第3次買物業

2006-2008年基本上係努力工作儲彈藥的時侯,而我亦都係呢段時間結左婚。係呢段時間,扣除供樓、日常支出後,大約儲到30萬左右。
2008年頭,我哋見個樓市升到爸爸聲,諗住撘一次順風車,於是係2008年頭,同一個朋友每人夾25萬做首期,係葵芳地鐵站旁買左(應該係...追入左)一個160萬24年嘅舊樓!
呢次買樓係一個好好嘅經驗:


 
1.首先是買得太心急:呢個係一個連約的單位,仲要係摸上摸嘅,咁當然是無得樓啦。個租客簽左張退租協議書,話會係成交日期前搬出,但係結果遲左一個星期先搬走!加上摸上摸,搞到做按揭都幾麻煩!

2.都係太心急:心急嘅結果當然係高追拉,價錢都算係幾高!仲有因為我朋左當時太忙,買樓嘅過程佢係無參與過嘅,我淨係通過電話問佢﹕160萬買唔買,佢話OK,我咪簽臨約囉!
 
3.同人夾份買樓真係要講清楚:可能當初大家真係無講清楚,我朋友一心諗住短炒,而我就有長揸的準備。响個多月後,差不多要成交啦,個friend話想放左層樓,但係當時個市已經立立地,如果放嘅話,加埋雜費可能每人要蝕6、7萬!於是同老婆相量過後決定要埋個Friend果份。方法係老婆借私人貸款,我同個Friend上會(因為仲係同個Friend聯名嘅!),供就我哋自已供。然後再租左層樓出去幫補吓!


之後嘅野,下一篇再講!

沒有留言:

張貼留言